Pinguini Perandor
Pinguini Perandor mund të rrëshqasë në ujë e të kërcejë në pllaka akulli me shpejtësi mahnitëse. Pinguini perandor e mban ajrin në pupla. Kjo jo vetëm e mbron zogun nga i ftohti ekstrem, por edhe i jep mundësi të lëvizë dy ose tri herë më shpejt. Si lëviz kaq shpejt?
Biologët e detit kanë sugjeruar se pinguini e arrin këtë duke lëshuar flluska të vockla ajri ndërmjet hapësirave të puplave. Ndërsa flluskat lëshohen, në sipërfaqen e puplave të pinguinit ulet fërkimi, e kjo e lejon ta rritë shpejtësinë.
penda e pinguinit perandor
Është interesante se inxhinierët po studiojnë si t’i bëjnë anijet të ecin më shpejt duke përdorur flluskat që të ulin fërkimin e trupit të anijes. Gjithsesi, studiuesit e pranojnë se është e vështirë për ta hetuar më tej këtë çështje, sepse «ndërlikimi i shtresës së puplave të pinguinit e bën të vështirë që njeriu të rikrijojë një membranë aq poroze».
Lini një Përgjigje