Duke u nisur nga artikulli sulmohen pëllumbat e paqes të lëshuar nga Vatikani, një lexues i faqes Mos e Beso po Deshe bëri një pyetje interesante dhe të logjikshme. Para, përse pëllumbi simbolizon paqen?
Bëra disa kërkime në gjuhen shqipe dhe nuk gjeta diçka interesante për këtë pyetje, faktikisht ishte një artikull nga dikush që kishte një titull të tillë por nuk referonte diçka konkrete, ishte një artikull goxha i gjatë sa u lodha së lexuari. Ok të mos e zgjas edhe unë do të shpjegojmë me disa fjalë se përse pëllumbi simbolizon paqen.
Pëllumbi dhe në veçanti pëllumbi i bardhë njihet nga të gjithë popujt si mjeti më i përsosur për të simbolizuar paqen. Pavarësisht thashethemeve dhe miteve apo legjendave sipas Dhiatës së Vjetër të shkrimeve të shenjta (ose e njohur ndryshe Bibla), Noeja dërgoi pas përmbytjes një pëllumb të bardhë me synimin për të gjetur tokë të thatë.
Pëllumbi u kthye pas pak kohe duke mbajtur në sqepin e tij një degë të njomë ulliri, shenjë që ujërat ishin tërhequr dhe se qetësia dhe paqja ishin kthyer në tokë. Por është për të përmendur se përveç pëllumbit paqen e simbolizon edhe dega e ullirit.
Lini një Përgjigje